„Það blasir við hverjum sem sjá vill að Samtök atvinnulífsins geta ekki samið um aðrar og meiri launahækkanir en felast í þegar gerðum samningum. Í því myndi felast trúnaðarbrot gagnvart verkalýðsfélögunum sem þegar hafa samið og starfa um allt land en ekki síst á höfuðborgarsvæðinu,“ segir í grein Halldórs Benjamíns Þorbergssonar sem birt er á vef Samtaka atvinnulífsins.
„Vonast er til að verkalýðsfélög sem enn hafa ekki samið muni viðurkenna þessa óumflýjanlegu staðreynd og tryggja félagsmönnum sínum sambærilegar launahækkanir og aðrir hafa fengið,“ skrifar Halldór Benjamín.
