Hvað ætli núverandi stjórnvöld að gera gera í þessu?
Kjartan Örn Kjartansson.
Kjartan Örn Kjartansson skrifaði:
„Af hverju kaus ég ekki Sjálfstæðisflokkinn í síðustu kosningum? Jú, hérna er svarið við því. Ég keypti þennan bát árið 2022. Ég keypti bátinn með grásleppuveiðileyfi og greiddi um tvær milljónir fyrir leyfið ásamt kaupverði bátsins.
Ég keypti þennan bát í góðri trú að eg gæti gert út á grásleppu þegar ég væri búinn að gera bátinn almennilega klárann á grásleppuveiðar en það tekur töluverðan tíma að gera alla þessa vinnu með tveimur höndum. Jæja, ég er búinn að þrælafella (sauma netið á teinana með nál) um 350 net en það tekur um tvær klukkustundir að þrælafella eitt grásleppunet með frágangi.
Ég keypti alvöru netaspil, frá Rapp Hydema í Noregi, á bátinn en það kostar um fjórar milljónir þetta netaspil. Ég er búinn að smíða skúffu úr ryðfríu stáli undir netaspilið, ég er búinn að smíða gálga, úr ryðfríu stáli, aftan á bátinn fyrir netaniðurleggjarann og allt gert á vandaðasta hátt. Ég er búinn að smíða nýjan lestarkarm ásamt netaborði úr áli á bátinn. Ég er búinn að útbúa 50 nýjar baujur fyrir grásleppuveiðar. Það er allt klárt núna en getið menn – ég má ekki fara á grásleppu útaf því að helvítis fávitarnir í Sjálfstæðisflokknum settu helvítis grásleppuna í kvóta.
Hvað ætli núverandi stjórnvöld að gera gera í þessu? Til gamans má geta þess að ég sótti um „nýliðakvóta á bátinn“ en fékk auðvitað ekki eitt kíló (af því að ég á einnig Bjargfugl RE 55) en um 90% þeirra sem sóttu um nýliðakvóta og fengu eiga ekki eitt einasta grásleppunet, þeir eiga ekki netaspil og eiga ekki eftir að veiða eitt kíló af grásleppu. Það verður að breyta þessu ekki seinna en strax. Lifið heil.“
