Sjávarútgvegur:
Það er ekki áhugaverð fjárfesting þegar ávöxtunin er ekki meiri…
„Það var sláandi að sjá upplýsingar um afkomu stærri fyrirtækja í greininni, hvernig hún er að þróast. Það hefur gefið verulega eftir á undanförnum árum og arðsemi eigin fjár er sáralítil og það í samanburði við aðrar atvinnugreinar í landinu. Ef hækkanir sem fyrirhugaðar eru á næsta ári hefðu verið komnar á árunum 2023–2024 hefði arðsemi eigin fjár verið um 4%. Það gefur augaleið að það er ekki áhugaverð fjárfesting þegar ávöxtunin er ekki meiri en við verðum að halda því til haga að þrjú fyrirtæki, stórfyrirtæki, eru á markaði og lífeyrissjóðir eiga þar mikið undir sem og aðrir landsmenn. Áskoranir í greininni eru gríðarlega miklar í dag. Það eru tollar í Bandaríkjunum, það eru átök og stríð. Það eru efnahagslegar áskoranir, svo sem sterk króna, og það er samdráttur í aflaheimildum á okkar helstu nytjastofnum, mjög sláandi samdráttur til að mynda í uppsjávargeiranum,“ sagði Jón Gunnarsson á Alþingi.
Rekstrarhagnaður fyrir afskriftir (EBITDA) á fjórðungnum jókst um 38,7% milli ára og nam 5,5 milljörðum króna.
„Það er að rætast sem spáð var, að afleiðingar hækkunar gjalda á sjávarútveginn muni ekki skila sér. Það liggur alveg í augum uppi. Það er sama og var hér vitnað í með kílómetragjöld og hækkanir á vörugjöldum á bíla. Þetta mun ekki skila sér. Hvenær ætlar þessi ríkisstjórn að læra það að rekstrarumhverfi þessarar grunnatvinnugreinar okkar verður að vera þannig að við stöndum samkeppnishæfni? Þá skilar greinin sem mestu,“ sagði Jón Gunnarsson.
Viðskiptablaðið birti í dag stórmerkilega frétt:
Tekjur Síldarvinnslunnar jukust um 34% milli ára og námu 127 milljónum dala á fjórðungnum, eða um 15,6 milljörðum króna. Tekjuvöxturinn er einkum rakinn til loðnuvertíðar ársins og háum verðum á makrílafurðum. Auk þess hafi gengið betur í landvinnslu á bolfiski.
Rekstrarhagnaður fyrir afskriftir (EBITDA) á fjórðungnum jókst um 38,7% milli ára og nam 5,5 milljörðum króna.
Gunnþór segir að makrílveiðar og -vinnsla hafi gengið vel á fjórðungnum. Það sjáist best á því að geymslur fyrirtækisins hafi verið fullnýttar undanfarið ár. Þá hafi orðið verðhækkanir á milli ára og eftirspurn verið mikil.
„Stór hluti af framleiðslu sumarsins hefur verið seldur. Fiskurinn var stór þannig að stærra hlutfall fór til manneldis en undanfarin ár.“
Hann segir að þrátt fyrir góða niðurstöðu á fjórðungnum hafi félagið orðið fyrir vonbrigðum vegna ráðgjafar í helstu uppsjávarkvótum fyrir árið 2026, þar sem ráðgjöf í makríl lækkar m.a. um 70%.
„Óvissa ríkir um veiðigjöld ársins 2026 eftir nýsamþykkt lög og er alveg ljóst að þar vantar gagnsæi og fyrirsjáanleika. Það er óásættanlegt að búa við slíka óvissu um gjaldtöku næsta árs þegar rétt um mánuður er í að gjaldtaka hefjist.“
