- Advertisement -

Hin stóru mistök Ingu Sæland

Þingmennirnir Guðmundur Ingi Kristinsson, Ólafur Ísleifsson og Karl Gauti Hjaltason. Ólafur og Karl Gauti sátiu á launráðum og unnu að svikum gegn Ingi Sæland og Flokki fólksins. Fylleríið á Klaustturbarnum kom upp um þá. Þeir fóru eðlilega í Miðflokkinn.

Flokkur fólksins, flokkur Ingu Sæland, berst fyrir lífi sínu. Inga stóð sig vel í aðdraganda síðustu kosninga. Það skilaði henni fjögurra manna þingflokki. Fögnuðurinn stóð ekki lengi.

Inga hafði fallið fyrir tveimur útlögum úr Sjálfstæðisflokki, Ólafi Ísleifssyni og Karli Gauta Hjaltasyni. Þeir eru fullkomin andstaða við Ingu og Guðmund Inga Kristinsson. Þingflokkur var í raum klofinn frá upphafi. Ólafur og Karl Gauti höfðu setið lengi á Alþingi, í skjóli Ingu, þegar þeir tóku að svíkja hana og uppnefna.

Fari svo, eins og margt bendir til, að Flokkur fólksins nái ekki kjörnum þingmanni verður það fyrst og síðast vegna mistaka Ingu í upphafi. Hún lagði traust sitt á menn gjörólíka henni sjálfri og þá um leið flokknum.

Ötull baráttumaður.

Í hugann koma örlög Bjartrar framtíðar. Daginn sem sá flokkur gekk Viðreisn og Sjálfstæðisflokki á hönd var dauðadómurinn kveðinn upp.

Mögulega munu mistök Ingu kosta hana flokkinn og þingsætið. Ólafur og Karl Gauti munu hugsanlega halda þingsætum. Það er samt mjög óvíst. Til að það verði verður Miðflokkurinn að gera betur. Sem hann mun reyna. Fylgi hans mældist hvað hæst með meðan málþófið vegna orkupakkann var á dagskrá. Ekki meira um Miðflokkinn.

Guðmundur Ingi, þingmaður Flokks fólksins, er ötull baráttumaður. Alþingi þarf fólk eins og hann. Hið vonlausa veganesti sem Flokkur fólksins, lagði af stað með eyðir jafnvel flokknum.


Auglýsing

Tengdar fréttir sem þú gætir haft áhuga á að lesa: