- Advertisement -

Kóvið kreppan eykur örvæntingu og hræðilega fátækt mjög mikið

Munum að veiran á eftir að hrella heimsbyggðina í eina til tvær aldir.

Haukur Arnþórsson skrifar:

Hverjum er ekki sama um fátækt og örvæntingu – ef við getum verið með tilfinningaklám um dauða fólks af völdum veiru. Þá gefst tækifæri til að sýna einstaka skinhelgi. Sósíalistar styðja hins vegar hag þeirra sem standa veikt.

Það er furðulegt að tala um að mannúð valdi þessari kreppu. Kreppan endurskipuleggur allan kapítalismann og fyrirtæki hinna litlu fara á brunaútsölu og hinir stóru verða stærri. Það var kominn tími á kreppu og endurskipulagningu – eins og hagfræðingar kölluðu eftir. Þá er þetta barátta vísindanna (sem Kári Stefánsson er fulltrúi fyrir hér á landi) til að afla nýrrar þekkingar – á kostna’ð almannahags.

Þannig fara vísindin og auðvaldið fram með einstökum bolabrögðum.

Þannig fara vísindin og auðvaldið fram með einstökum bolabrögðum – sem eiga sér enga samlíkingu á Vesturlöndum frá seinni heimstyrjöld – með takmörkunum á ferðafrelsi, tjáningarfrelsi, samkomufrelsi, með uppkomu lögregluríkis og með eftirliti. Ég held ekki að það verði allt tekið til baka – og á eftir að sjá alþingismenn berjast fyrir því að slökkt verði á eftirliti rakningaappsins og ferðargjafarappsins. Munum að veiran á eftir að hrella heimsbyggðina í 1-2 aldir þannig að mannúðin gæti orðið afsökun fyrir litlum mannréttindum lengi.

Að telja baráttu fyrir mannréttindum og gegn lögregluríki hægrisinnaða – jafnvel hægri öfgar – er fásinna og svívirðilegur áróður – vinstri menn hafa alltaf barist gegn slíku. Það er hins vegar hægri sinnað að setja upp lögregluríki og taka af mannréttindi – án þess að ég kalli það réttum nöfnum.

Ég minni á að jafn margir hafa farist úr sjálfsvígum á árinu í heiminum (og það er ungt fólk) – og úr veirunni – sem er sjúkt fólk (hún tekur nánast engan heilbrigðan) – og ég á eftir að sjá vísindin og kapítalismann sameinast í að útrýma sjálfsvígum – enda þarf að útrýma ömurlegum aðstæðum til þess.

En kóvið kreppan eykur örvæntingu og hræðilega fátækt mjög mikið – eins og öll endurskipulagning kapítalismans. Þannig drepur mannúðin fleiri og fleiri úr félagslegum áhrifum kreppunnar (lokananna). Hér á landi er talið að þrisvar sinnum fleiri hafi farist úr sjálfsvígum en Kóvid það sem af er árs (það er óstaðfest og þetta hefur engin áhrif á þingmenn), auk þeirra sem hafa verið drepnir í heimilisofbeldi, barnaverndarmálum hefur fjölgað um stærðargráður og staðir eins og kvennaatkvölf og heimilishjálp eru yfirfullir og með neyðaróp. Hvað gera stjórnmálamenn í því?


Tengdar fréttir sem þú gætir haft áhuga á að lesa: