Þann 7. október 2008, birti Seðlabankinn svohljóðandi frétt: „Sendiherra Rússlands á Íslandi, Victor I. Tatarintsev, tilkynnti formanni bankastjórnar Seðlabankans í morgun að staðfest hefði verið að Rússland myndi veita Íslandi lánafyrirgreiðslu að upphæð 4 milljarðar evra. … Putin forsætisráðherra Rússlands hefur staðfest þessa ákvörðun.“
Umsögn.
1. Þann 6. október 2008 afhenti Seðlabankinn Kaupþingi nánast allan gjaldeyrisvarasjóð Íslands.
2. Af tilkynningu sendiherra Rússlands þann 7. október er ljóst að viðræður um lánafyrirgreiðslu Rússa höfðu verið í gangi um einhvern tíma – og Putin síðan „staðfest“ niðurstöðuna.
3. Af líkum má ráða að Seðlabanki Íslands hafi sett fram beiðni um lánafyrirgreiðsluna í samráði við ríkisstjórn Íslands.
4. Hins vegar hafa nánari upplýsingar um þetta efnahagslega og pólitíska stórmál ekki komið fram opinberlega.