Gunnar Smári skrifar:
Ef þessir gaurar ætluðu sér að standa við eitthvað af þessu væru þeir fyrir löngu búnir að framkvæma þetta.
Hér mæta þrír karakterar með fyllibyttuloforðin sín, loforð sem ekki nokkurt mark er takandi á. Ef þessir gaurar ætluðu sér að standa við eitthvað af þessu væru þeir fyrir löngu búnir að framkvæma þetta.
Fyrstur mætir Bjarni skattmann, formaður flokksins sem lagði skatta á öryrkja, eftirlaunafólk og láglaunafólk, og lofar skattalækkun. Hahahahaha, ertu að grínast?
Svo kemur Bjarni umhverfissóði, verndardýrlingur auðvaldsins sem er á góðri leið með að tortíma jörðinni, og segist einn geta leitt orkuskipti og bjargað umhverfinu. Hahahahaha, kanntu annan?
Þá mætir Bjarni biðlisti, fjármálaráðherrann sem er í raun höfundur allra biðlista á landinu, maðurinn sem hefur svelt heilbrigðisþjónustuna árum saman og segist vera maðurinn sem geti látið biðlista hverfa. Hahahahaha, ekki drepa okkur?
Bjarni Benediktsson er mestir trúður íslenskra stjórnmála. Meira að segja hlægilegri en Sigmundur Davíð. Þeir ættu að skemmta saman á þorrablótum, fara með kosningaloforð sín svo fólk geti hlegið að þeim. Þeir gætu kallað sig Panama-bræður.