- Advertisement -

Netheima loga vegna auglýsingar um vikuleigu á sumarbústað: „Mér finnst þetta klikkun!“

Netverjar eru margir hverjir æfir yfir auglýsingu þar sem sumarbústaður í var auglýstur til leigu í sumar. Bústaðurinn er með tveimur svefnherbergjum ásamt svefnlofti, nuddpotti, stafrænu sjónvarpstæki og þráðlausu neti. Aukalega þarf að greiða fyrir lök og handklæði og kostar vikan í bústaðnum 140 þúsund krónur.

Það er Arnar nokkur sem vekur athygli á auglýsingunni og birtir hana í fjölmennum hópi á Facebook, Vertu á verði – eftirlit með verðlagi. Þar spyr hann:

„ Veit ekki með ykkur en er þetta verðlag ekki pínu over the top??“

Meðlimir hópsins létu ekki bíða lengi eftir svörum og sitt sýnist hverjum. Sumir telja verðlagninguna afar eðlilega á meðan aðrir setja fram upphrópanir um græðgi. „Fáránlegt“ og „WTF!“ sést víða í viðbrögðum undir færslunni.

Örn er einn þeirra síðarnefndu. „Mér finnst þetta klikkun. Þetta eru 560.000 fyrir mánuð!“ segir hann. Og Ólafur tekur í sama streng: „Er fólk virkilega að réttlæta 560þ mánaðarleigu á sumarhúsi???“

Þórði blöskar hreinlega leiguverðið. „Veit ekki í hvaða veruleika sumir eru. Mætti halda að lágmarkslaun í landinu væru 1.000.000 á mánuði,“ segir Þórður.

Eddu nokkurri finnst þetta hins vegar ekki mikið. „Þetta telst ódýr gisting ef öll svefnpláss eru nýtt. Undir 2000 kr nóttin. Þú færð ekki svefnpokapláss á farfuglaheimili fyrir það.,“ segir Edda.

Sólrún er Eddu sammála. „Mér finnst þetta sanngjarnt. Ég hef unnið við þrif og tilheyrandi og veit alveg vinnuna á bakvið þetta og kostnaðinn þegar eitthvað fer úrskeiðis. Gistingin er fyrir marga og ekki dýrt fyrir svona marga í heila viku,“ segir Sólrún.


Tengdar fréttir sem þú gætir haft áhuga á að lesa: