- Advertisement -

Ömurlegasta frétt dagsins

Bandarískur milljarðasjóður vill fá sinn skerf af biluðum leigumarkaði hér.

Oft eru birtar fréttir sem eru meiðandi vondar. Ein slík er í Fréttablaðinu í dag. Hún byrjar svona: „Leigufélagið Heimavellir er að ganga frá um þriggja milljarða króna lánasamningi við sjóð í stýringu bandaríska sjóðastýringarfyrirtækisins Eaton Vance Management. Þá mun sami sjóður einnig leggja félaginu til um 300 milljónir króna í nýtt hlutafé, samkvæmt heimildum Fréttablaðsins.“

Bragð er af þá Kaninn finnur. Þeir hafa séð hvernig búið er að þróa leigumarkaðinn hér. Hér eru alltof fáar íbúðir og þannig hefur verið tryggt að alþýðan neyðist til að leigja af félögum einsog Heimavöllum og þannig verður víst í mörg, mörg ár. Svo trygg er fjárfestingin að bandarískt gróðafélag er tilbúið að koma hingað með glás af peningum, vill vera með í „veislunni“.

„Heimavellir, sem er stærsta leigufélag landsins og var með tæplega 2.000 leiguíbúðir í rekstri í lok síðasta árs,“ segir í Fréttablaðinu.

Í árslok 2017 nam virði fjárfestingareigna Heimavalla 53,6 milljörðum. Hagnaður leigufélagsins var um 2,7 milljarðar og jókst hann um 500 milljónir á milli ára,“ segir þar einnig.

Nú vilja fleiri komast að og taka þátt í að blóðmjólka fátækt fólk á Íslandi. Þessi frétt er hreint ömurleg. Það er ekki jákvætt þegar erlendir milljarðasjóðir vilja ganga til liðs við íslenska í viðleitni til að halda fátæku fólki áfram í sem mestu vanda. Sameinast um að tryggja að fólkið festist sem lengst í fátæktinni.

 


Booking.com

Tengdar fréttir sem þú gætir haft áhuga á að lesa: