Sólveig Anna skrifar:
Fyrst: Í hvaða skóla lærðu mennirnir sem nota þennan 3 orða setninga stíl? Ég fór ekkert í skóla og veit lítið um þá (nema leikskóla auðvitað) og mér leikur mjög mikil forvitni á að vita þetta. Eða er það kannski satt sem ég hef heyrt að til sé vél, ýtt sé á takka á henni og út komi orðasalat og hægt sé að nota það í skiptum fyrir peninga og/eða völd? Það eru svo margir leyndardómar í þessum heimi.
Allavega, þegar stílnum sleppir, þegar við erum búin að læra að láta ekki kippina sem fylgja öllum punktunum rugla með okkur og getum greint innihaldið kemur í ljós Niðursveifla, Uppsveifla, Hagræðing, Eignasala hins opinbera, Gróði. Nenniði aðeins að bíða, ég ætla að gá hvað ég á reikningnum mínum, útsalan gæti farið að hefjast innan skamms og það væri gaman að geta keypt einn leikskóla, með vinnuaflinu inniföldu.
Við umorðum smá, móðurgyðjan fyrirgefi: „Hið gamla deyr og það nýja getur ekki fæðst; í millibilsástandinu birtast ýmis og fjölbreytt tækifæri til einkavæðingar“.