- Advertisement -

Ríkisstjórn langrar framtíðar

- en hún sprakk á limminu innan tveggja ára með efnahaginn í rjúkandi rúst. Tveir ráðheranna eru ráðherrar í dag.

Hrunstjórnin. Hún ríkti frá maí 2007 til janúar 2009.

Þegar höfuðandstæðingar íslenskra stjórnmála, Sjálfstæðisflokkur og Samfylkingin, undir forystu Geirs H. Haarde og Ingibjargar Sólrúnar Gísladóttur, mynduðu ríkisstjórn, fyrir rétt um tíu árum, sá enginn fyrir hversu skammlíf hún yrði.

Þetta var sjálf Hrunstjórnin. Reyndar eru tveir ráðherrar þeirra ríkisstjórnar ráðherrar í núverandi ríkisstjórn; Guðlaugur Þór Þórðarson og Þorgerður Katrín Gunnarsdóttir. Ríkisstjórnin tók við 24. maí 2007, en sprakk á limminu 26. janúar 2009, þann dag baðst Geir H. Haarde lausnar.

Einn þeirra sem batt miklar vonir við þá ríkisstjórn var Hreinn Loftsson. Hann skrifaði langan grein um valdatöku ríkisstjórnarinnar. Hreinn skrifaði:

Þú gætir haft áhuga á þessum

„Áherslur í stefnuyfirlýsingu Þingvallastjórnarinnar eru skynsamlegar. Í grunninn felast þær í því að farsæld alls almennings hvíli á öflugu atvinnulífi. Með því að bæta starfsskilyrði fyrirtækjanna tryggjum við undirstöður velferðarinnar. Áherslur á málefni barna, aldraðra og öryrkja eru kærkomnar og settar fram með skilmerkilegum og afgerandi hætti í yfirlýsingunni. Ekki er nokkur vafi um það í mínum huga að ríkisstjórn Sjálfstæðisflokks og Samfylkingar fylgir mikill kraftur og bjartsýni sem mun hafa áhrif hvarvetna í þjóðlífinu. Leiðtogar ríkisstjórnarinnar, þau Geir H. Haarde og Ingibjörg Sólrún Gísladóttir, eru bæði meðal mikilhæfustu stjórnmálamanna samtímans og það er óverðskuldað og rangt af ritstjóra Morgunblaðsins að gera því skóna að Ingibjörgu Sólrúnu sé ekki treystandi til að starfa af heilindum í ríkisstjórn. Öðru nær. Hér hefur ekki verið tjaldað til aðeins einnar nætur. Ef vel tekst til ætti þetta samstarf að geta varað í tvö eða jafnvel þrjú kjörtímabil og skapað þannig stöðugleika og festu í þjóðfélaginu. Hér hefur vonandi verið mynduð farsæl stjórn til framtíðar.“

Sjálfstæðisflokkurinn var gagnrýndur fyrir rýran hlut kvenna í ráðherravalinu.

„Vegna þessa get ég því ekki gefið ríkisstjórninni nema 9,5 í einkunn og dreg þá hálfan frá vegna ráðherravalsins,“ skrifaði Hreinn Loftsson.

-sme

 


Booking.com

Auglýsing

Tengdar fréttir sem þú gætir haft áhuga á að lesa: