- Advertisement -

Samherjarnir og Ásmundur

Og mafían þarf örugglega fleiri öryggisverði á næstunni. Samherjaforystan er jú orðin þekkt fyrir spillingu út um allan heim.

Katrín Baldursdóttir skrifar:

Mafíuósarnir í Samherja ættu að ráða Ásmund Friðriksson þingmann sem einkabílstjóra. Ásmundur hefur svo gaman af því að keyra. En lætur almenning borga. Það færi betur á því að almenningur losnaði við Ásmund. Samherjamafían skilur Ásmund örugglega vel og vill ráða hann. Það sparaði þjóðinni óhemju fjármuni. Ásmundur yrði ekkert leiður yfir þessari breytingu því hann virðist hafa unun af því að vera á ferðinni daginn út og daginn inn. Mafíuósarnir hljóta að þurfa að vera á sífelldum þeytingi til að þurrka út sönnunargögn hingað og þangað um landið. Svo þetta er auðvitað upplagt. Þannig losnar þjóðin líka við að greiða Ásmundi laun sem er frábært því hann er svo verklítill enda alltaf á ferðinni. Samherjamafían hefur líka svipuð siðferðisgildi og Ásmundur. Þannig að Ásmundur getur án efa smurt vel á hjá þeim. Þeir mundu skilja það enda vita þeir hvað spilling er, þó þeir vilji ekki viðurkenna það opinberlega. Svo getur Samherjamafían hækkað launin hans Ásmundur verulega með því að gera hann líka að einkaöryggisverði Þorsteins Más, en sennilega mun hann þurfa á einum slíkum að halda í nánustu framtíðin. Og mafían þarf örugglega fleiri öryggisverði á næstunni. Samherjaforystan er jú orðin þekkt fyrir spillingu út um allan heim.

Þú gætir haft áhuga á þessum

Booking.com

Tengdar fréttir sem þú gætir haft áhuga á að lesa: