- Advertisement -

Sigmundur Davíð, eiginkonan og óþekkti tíu milljarða maðurinn

- þeir sem stukku á fjárfestingarleið Seðlabankans eigi inni gengishagnað upp á 75 milljarða.

Sigmundur Davíð Gunnlaugsson, fyrrverandi forsætisráðherra, fjallar um fjárfestingaleiðina í skrifum í dag.

„Fyrir nokkrum dögum komust bankabónusarnir aftur í umræðuna. Nú er það útsalan á krónum til þeirra sem áttu gjaldeyri í útlöndum. Það sama gildir í báðum tilvikum: Þessu var komið á í tíð vinstristjórnarinnar en afnumið eftir að við tókum við,“ skrifar hann.

Vegna fjárfestingarleiðarinnar er boginn nokkuð mikið spenntur. „Ef allir sem nýttu sér hina svo kölluðu fjárfestingaleið á sínum tíma gætu og myndu fara aftur út með fjármagnið í dag næmi gengishagnaðurinn samanlagt um 75 milljörðum króna. Það þýðir að hagnaðurinn væri um 70 krónur á hverja evru sem kom hingað. Þetta er fyrir utan arð af fjárfestingunum sjálfum,“ skrifar Sigmundur Davíð.

Hann víkur nokkrum orðum að Seðlabankanum: „Seðlabankinn hafði talið sér þetta til tekna við losun snjóhengjunnar en við bentum á að þetta væri frestun frekar en lausn. Sem forsætisráðherra beitti ég mér fyrir því að leggja þetta af. Síðasta útboðið var haldið í byrjun árs 2015.“

Þú gætir haft áhuga á þessum

Þá skrifar hann greinilega um eiginkonu sína: „Það má líka fylgja sögunni að, eins og komið hefur fram, átti kona sem ég þekki vel rétt á slíkum kaupum en taldi óforsvaranlegt að nýta sér hann.“ Og svo þetta: „Ólíkt manninum sem stóð fyrir kaupum á hátt í 10 milljörðum króna, fyrir fyrirtæki sitt, á afslætti en hefur síðan verið flestum duglegri við að fordæma alla aðra fyrir að vera ekki nógu samfélagslega sinnaðir.“

Ekki fylgir sögunni hver maðurinn er. Þá er spurt, hver er tíu milljarða maðurinn?

-sme


Auglýsing

Tengdar fréttir sem þú gætir haft áhuga á að lesa: