Gunnar Smári svarar fyrir sig:
Allir þessir menn koma við sögu í Rannsóknarskýrslu Alþingis um bankahrunið nema einn. Sá er Gunnar Smári Egilsson. Hans er hvergi getið í rannsóknarskýrslunni, ekki einu sinni neðanmáls.
Ólafur Arnarsson, sem vinnur við að skrifa níðgreinar undir nöfnum Náttfara og Dagfara fyrir Helga Magnússon, helsta fjárhagslega bakhjarl Viðreisnar og eiganda að Fréttablaðinu, Hringbraut, DV og fleiri miðlum, birtir þessa mynd úr gömlu DV með grein sinni í Fréttablaðinu í morgun, mynd sem á að sýna aðalpersónur útrásarinnar.
Hvað er merkilegt við þessa mynd?
Allir þessir menn koma við sögu í Rannsóknarskýrslu Alþingis um bankahrunið nema einn. Sá er Gunnar Smári Egilsson. Hans er hvergi getið í rannsóknarskýrslunni, ekki einu sinni neðanmáls.
Mikill meirihluti þessara manna höfðu stöðu grunaðra eða voru ákærðir af sérstökum saksóknara í svokölluðum Hrunmálum. Nema einn, sá var ekki einu sinni kallaður til sem vitni við rannsókn í nokkru af þeim hátt í hundrað málum sem voru rannsökuð.
Sá er Gunnar Smári Egilsson.
Meirihluti þessara manna komu við sögu í Panamaskjölunum, þar sem kom í ljós að íslensk stjórnmála- og viðskiptastétt er rammspillt. Þetta á hins vegar ekki við um téðan Gunnar Smára Egilsson. Hans var ekki getið í Panamaskjölunum né í neinum öðrum skjölum sem opinberað hafa íslensku spillingu undanfarin ár.
Og þá má spyrja: Er Gunnar Smári eitthvað vafasamur eða er þessu mynd og þeir sem draga hana á flot tveimur dögum fyrir kosningar, með fjárstuðningi Viðreisnar, kannski eitthvað vafasamir?
Í framboði núna eru þónokkur sem getið var um í Rannsóknarskýrslum Alþingis fyrir vafasöm tengsl stjórnmálafólks við viðskiptamógúla.
Í framboði núna eru þónokkur sem getið var um í Rannsóknarskýrslum Alþingis fyrir vafasöm tengsl stjórnmálafólks við viðskiptamógúla, fyrir að hafa bjargað fé sínu út úr sjóð níu á undan almenningi, fyrir að hafa þegið miklar fégjafir frá fyrirtækjum og efnafólki og fyrir að hafa virkir þátttakendur í fyrirtækjum sem stunduðu vafasöm viðskipti. Gunnar Smári er ekki einn þeirra.
Í framboði núna eru alla vega tveir formenn stjórnmálaflokka sem voru í Panamskjölunum, einn formaður sem um tíma hafði réttarstöðu grunaðs manns vegna fjársvikamála í aðdraganda Hrunsins og alla vega tveir formenn sem sætt hafa rannsókn skattrannsóknarstjóra og fengið á sig endurálagningu vegna þess. Ekkert af þessu á við um Gunnar Smára.
Eitthvað af ofansögðu á við um frambjóðendur Sjálfstæðisflokks, Miðflokks, Viðreisnar og Samfylkingar. Ekkert um frambjóðendur Sósíalista.
Fjárhagslegir bakhjarlar Sjálfstæðisflokks, Miðflokks, Viðreisnar Framsóknar og Samfylkingar voru helstu gerendur í Hruninu. Það á ekki við um Sósíalistaflokk Íslands.
Í þessu á hið fornkveðna við; að boðskapur skítadreifara segja ekkert um þá sem verða fyrir óhróðri þeirra en allt um þá sjálfa. Þið ættuð endilega að kjósa með hjartanu á laugardaginn og velja þann kost sem best rýmar við hagsmuni ykkar, vonir og væntingar. Ekki láta ómerkilegt fólk hræða ykkur frá því.