Kæru Skjaldborgarar – nú skal loksins Skjaldborg halda!
Skjaldborg—hátíð íslenskra heimildamynda verður haldin í samstarfi við Bíó Paradís helgina 18.-20. september 2020. Hátíðin er nú haldin í fyrsta sinn í höfuðstaðnum og hreiðrar um sig í Bíó Paradís—Heimili kvikmyndanna við Hverfisgötu. Dagskráin sem hafði verið undirbúin fyrir Skjaldborg verslunarmannahelgarinnar hefur tekið einhverjum breytingum og verið aðlöguð að aðstæðum út frá gildandi sóttvarnarviðmiðum.
Miðasala fer fram á vef Bíó Paradísar og allar helstu upplýsingar um Skjaldborg í borg má finna hér. Stakir bíómiðar kosta 1.690 kr. og Skjaldborgarpassi sem gildir á allar sýningar hátíðarinnar kostar 8.900 kr. Takmarkaður fjöldi Skjaldborgarpassa er í sölu og gildir nú sem fyrr að fyrstir koma fyrstir fá – minnug biðlistunum sem mynduðust fyrir Skjaldborg um verslunarmannahelgi borgar sig sennilega að hlaupa til! Hægt verður að nálgast Skjaldborgarpassa frá kl. 16:00 þann 18. september í afgreiðslu Bíó Paradísar. Handhafar passa þurfa að leysa út miða á sýningar fyrirfram í miðasölu Bíó Paradís.
Dagskrá hátíðarinnar er með glæsilegasta
móti og má finna á vef bíó paradísar hér. Q&A er haldið eftir allar myndir þar
sem höfundar og aðstandendur eru viðstaddir. Megi Skjaldborgarandinn svífa yfir
nýopnaðri Paradís!
