Bankarnir eru opnir allan sólarhringinn fyrir þessa menn.
Katrín Baldursdóttir skrifar:
Halló, hvar eru hleranir hjá þeim sem framkvæma stórfelld efnahagsbrot! Enn og aftur eru það smákrimmarnir sem stjórnvöld eru að eltast við en ekki stórlaxana í fjármálaheiminum. Fólkið sem stelur stórum upphæðum af almenningi, auðlindunum, fólkið sem á aflandsfélögin, svíkur undan skatti svo um munar, fer með fyrirtæki í gjaldþrot, lætur svo almenning borga en stofnar ný fyrirtæki á nýrri kennitölu. Stórþjófarnir sleppa. Svona er þetta á öllum sviðum samfélagsins. Þeir stóru sleppa. Smæla framan í heiminn og spila frítt. Fá spilapeningana upp í hendurnar. Ef þeir tapa þurfa þeir lítið eða ekkert að borga til baka. En fá samt nýja peninga. Bankarnir eru opnir allan sólarhringinn fyrir þessa menn. Að hlera þessa þá? Nei, þetta eru vildarvinir stjórnvalda!