- Advertisement -

Sýslumenn í kalda koli

Ríkisendurskoðun finnur að flestu við sameiningu sýslumannsembætta.

Ríkinu yfirsást illa þegar gerðar voru áætlanir um rekstur embætta sýslumanna, eftir gagngerar breytingar með fækkun embætta og stofnun nýrra embætta um lögregluna. Niðurstaðan er harkaleg.

Ríkisendurskoðun hefur skoðað hvernig til tókst. Niðurstaðan skýr. Fjárhagsáætlanir voru vitlausar, stóðust hvergi.

„Rekstur nýrra sýslumannsembætta hefur ekki verið í samræmi við fjárheimildir fyrstu rekstrarár þeirra. Skiptir þar miklu máli að ekki var nægjanlega vel staðið að fjárhagslegum undirbúningi breytinganna. Hvorki var gerð nákvæm fjárhagsáætlun né langtímaáætlun um rekstur þeirra. Þá var mat á því hvernig skipta ætti launakostnaði milli nýrra embætta sýslumanna og lögreglu ónákvæmt. Þetta leiddi til þess að launakostnaður sýslumannsembætta varð mun hærri en fjárheimildir leyfðu.“

Þú gætir haft áhuga á þessum

Þetta er harður dómur yfir stjórnsýslunni. Þetta er samt ekki allt.

„Kostnaður við sameininguna var auk þess verulega vanáætlaður og ekki tekið tillit til þess sem kom fram við undirbúning hennar að tölvukostur væri kominn til ára sinna, að húsnæði væri sums staðar óhentugt, starfskerfi og upplýsingatæknimál ófullnægjandi og að nútímavæða þyrfti þjónustu sýslumannsembættanna.“

Skýrsluna má lesa hér.


Booking.com

Tengdar fréttir sem þú gætir haft áhuga á að lesa: