„Breytingin felur í sér að koma á fyrir bílastæðum á lóð til að mæta þörfum íbúa í hverfinu. Koma á fyrir 61 bílastæði á lóðinni. Upphaflega áttu engin bílastæði að vera innan lóðar en það var auðvitað ekki raunhæft á þessum stað. Þarna gengur einn strætisvagn og þarna á engin borgarlína að koma,“ sagði Kolbrún Baldursdóttir, Flokki fólksins, um breytingar á skipulagi í Gufunesi.
Sanna Magdalena Mörtudóttir Sósíalistaflokki Íslands:
„Hér er verið að setja upp bílastæði til að mæta þörfum íbúa. Ljóst er að samgöngukerfið er óáreiðanlegt og þörf er á því að efla almenningssamgöngur til muna svo að vistvæn svæði geti raunverulega orðið að möguleika.“
