- Advertisement -

„Við getum skarað fram úr“

„Við þekkjum umræðu um að það þurfi t.d. að auka stuðning við hátæknifyrirtæki, fyrirtæki eins og Marel og Össur, sem hafa sýnt mjög góðan árangur, CCP og fleiri fyrirtæki sem eru komin með alla vega annan fótinn erlendis vegna þess að aðstæður hér eru ekki að öllu leyti samkeppnishæfar. Það er bara því miður þannig,“ sagði Silja Dögg Gunnarsdóttir Framsóknarflokki í umræðu um mótun sjálfbærrar iðnaðarstefnu.

„Við þurfum klárlega að taka til í okkar ranni til að gera umhverfi þessara fyrirtækja sem vilja vera hér betra vegna þess að hér eru mikil gæði og eftirsóknarvert að reka fyrirtæki, það á að vera það. Við horfum til framtíðar á aukna möguleika hvað varðar hátæknimatvælaframleiðslu sem þarf kalt loft, sem er hér, nægt vatn, næga raforku. Við höfum þetta allt saman. Við getum skarað fram úr í þessum efnum. Við getum orðið til fyrirmyndar,“ sagði Silja Dögg.


Tengdar fréttir sem þú gætir haft áhuga á að lesa: