- Advertisement -

Vill að stjórn Icelandair víki

„Til að taka af allan vafa þá viljum við bjarga félaginu. Með öllum ráðum munum við beita okkur fyrir því að það verði gert. Ég hef hins vegar haft miklar efasemdir um að það sé gerlegt með núverandi stjórn félagsins við völd […] Ég hef því litið á það sem viðleitni í að bjarga félaginu að krefjast þess að stjórn félagsins víki til að liðka fyrir frekari áhuga fjárfesta.“

Þetta segir Ragnar Þór Ingólfsson, formaður VR, og kemur fram á vef RÚV.

Þar segist Ragnar Þór ætla að leggja það til við stjórn VR að fyrri yfirlýsing félagsins um sniðgöngu hlutafjárútboðs Icelandair verði dregin til baka en lýsir því yfir að hann vilji að stjórn Icelandair víki. Ragnar Þór skrifar bréf til félagsmanna VR í kvöld um þetta.

„Ég mun leggja það til við stjórn VR að fyrri yfirlýsing um sniðgöngu útboðs verði dregin til baka. Ekki vegna þess að það samdist við flugfreyjur og ekki vegna þess að samningsrétti og framtíð stéttarfélaga var bjargað fyrir horn heldur vegna þess að við erum í vinnu fyrir ykkur en ekki öfugt,“ segir Ragnar Þór í bréf sem RÚV vitnar til.

Þú gætir haft áhuga á þessum

Hann segist hafa fengið pósta frá félagsmönnum þar sem þeir lýsa óánægju sinni með framgöngu hans, að hann sé að vinna fyrir aðra en félagsmenn VR og upplifun þeirra á því að formaður félagsins beitti sér fyrir því að Icelandair fari í þrot.


Auglýsing

Tengdar fréttir sem þú gætir haft áhuga á að lesa: