„Um leið verður að lækka skattprósentu fjármagnstekna,“ skrifar Óli Björn Kárason, helsti hugsuður Sjálfstæðisflokksins, í nýrri Moggagrein. Þetta er ákveðið innlegg í kosningabaráttuna. Hrósa verður þeim sem sýna svona á spilin.
Besti kaflinn í langri grein Óla Björns er þessi: „Það er því enn verk að vinna varðandi tekjuskattskerfi einstaklinga – gera það enn einfaldara og skýrara, draga úr jaðarsköttum og létta skattbyrði, (ég hef lagt fram róttækar kerfisbreytingar, sem ekki verður farið yfir hér enda gert áður). Í gegnum skattkerfið er hægt að auðvelda launafólki að taka með beinum hætti þátt í atvinnulífinu og skjóta þannig styrkari stoðum undir fjárhagslegt sjálfstæði þess. Um leið verður að lækka skattprósentu fjármagnstekna.“
Er það nú öruggt að hlutabréfakaup skjóti styrkari stoðum undir fjárhagslegt sjálfstæði?