Bjóða Katrínu að fara í dauðagöngu

Leiðari Samherjarnir, úr þarsíðustu ríkisstjórn, Bjarni Benediktsson og Sigurður Ingi Jóhannsson, vilja umfram allt að Katrín Jakobsdóttir gangi til liðs við þá og tryggi þeim þar með ágætan meirihluta á Alþingi. Katrín er líkleg, þó aðeins verði hún forsætisráðherra.

Bjarni og Sigurður Ingi deila því með Katrínu að öll ganga þau með forsætisráðherrann í maganum. Katrín fær ekki svo mikla umbun samþykki hún að vera þriðja hjól undir vagni þarsíðustu ríkisstjórnar.

Katrín Jakobsdóttir verður, stöðu sinnar vegna, að koma sterk út úr því pólitíska öngþveiti sem nú er. Þiggi hún tilboð Bjarna og Sigurðar Inga er víst að þá leggur hún í sannkallaða dauðagöngu, með eigin pólitíska feril sem og næstu framtíð Vinstri grænna.

Bjarni og Sigurður Ingi bjóða Katrínu einungis vonda kosti. Katrín gerði betur með samkomulagi við Samfylkinguna, með þeim hætti að flokkarnir leiki saman í stöðunni og verði þar með stærsti hópurinn, með átján þingmenn. Nú virðist vera þrátefli í stöðunni. Það má aldrei verða að einn formaður og einn flokkur fórni öllu til að losa um stöðuna.

Þú gætir haft áhuga á þessum

Nú er mikið undir og taflið leyfir ekki afleiki.

Sigurjón M. Egilsson.




Booking.com

Tengdar fréttir sem þú gætir haft áhuga á að lesa: