Sigurjón Magnús Egilsson:
Svandís á ekki að elta Bjarna í hans rugli. Segja bara af sér og gera sig klára í undirbúning næstu kosninga. Íhaldið þolir ekki Svandísi því er fráleitt fyrir hana að elta Bjarna Benediktsson út í djúpan drullupollinn.
Leiðari Væri ég Svandís Svavarsdóttir, sem ég augljóslega er ekki, myndi ég segi af mér ráðherradómi og verða óbreyttur þingmaður. Held að það yrði fínn endir á erfiðu og leiðinlegu máli.
Ekki ein einasta manneskja er yfir það hafin að viðurkenna mistök sín. Nema kannski Bjarni Benediktsson sem neitaði að segja af sér. Færði sig bara á milli ráðuneyta. Það er ekki afsögn.
Svandís á eftir, að óbreyttu, að takast á við útverði stórútgerðanna í ríkisstjórn, Sjálfstæðisflokk og Framsókn. Og svo hagsmunasamtök útgerðarinnar. Það eru tóm leiðindi framundan hjá ríkisstjórninni.
Svandís tefldi á tvær hættur þegar hún snarhemlaði á hvalveiðarnar í vor sem leið. Nú hafa andstæðingar hennar tíma til að sprikla gegn Svandísi. Því yrði sniðugast hjá henni að hætta sem ráðherra.
Flokkur Svandísar er í útrýmingarhættu. Ef hún fer skynsömu leiðina og sýnir þar með ábyrgð kann staðan að batna. Allavega ekki að versna. Ég ímynda mér að ríkisstjórnin sé með allra leiðinlegustu fyrirbærum.
Svandís á ekki að elta Bjarna í hans rugli. Segja bara af sér og gera sig klára í undirbúning næstu kosninga. Íhaldið þolir ekki Svandísi því er fráleitt fyrir hana að elta Bjarna Benediktsson út í djúpan drullupollinn.
