Landsvirkjun:
Vilhjálmur Þorsteinsson skrifaði:
„Ég hef setið í allmörgum stjórnum fyrirtækja um ævina, þar á meðal skráðum fyrirtækjum og fyrirtækjum undir eftirliti FME, innanlands og erlendis. Ævinlega hefur verið stuðst við þá meginreglu að forstjóri/framkvæmdastjóri sitji stjórnarfundi nema þegar verið er að ræða frammistöðu og/eða umbun viðkomandi, sem er oftast gert einu sinni á ári á fundi sem framkvæmdastjóri er meðvitaður og upplýstur um. Starfsreglur stjórnar eu allajafna skýrar um þetta verklag.
Það kemur mér því á óvart að stjórnarformaður Landsvirkjunar telji það venjulega og eðlilega stjórnarhætti að stjórn hittist án forstjóra fyrir hvern einasta stjórnarfund og taki þannig í raun alltaf aukafund án hans. Ég hef aldrei áður heyrt af svona fyrirkomulagi og myndi ekki samþykkja það sjálfur, hvorki sem stjórnarmaður né sem forstjóri.“
