- Advertisement -

Auðugir íslenskir glæpamenn lifa lúxuslífi

Hrunverjar hafa frítt spil og eru á fullu hér í allskonar fjárfestingum.

Katrín Baldursdóttir skrifar:

Auðugir íslenskir glæpamenn lifa svo miklu lúxuslífi á Íslandi að þeir fá borgað til baka frá stjórnvöldum. Yfirvöldum sem hafa vogað sér að gera einhverjar athugasemdir við framferði þeirra. Hrunverjar fá bætur vegna hlerana. Og RUV biður Þorstein Má afsökunar. Hann er á leiðinni aftur í forstjórastól Samherja eins og ekkert sé sjálfsagðara. Hrunverjar hafa frítt spil og eru á fullu hér í allskonar fjárfestingum. Fá fyrirgreiðslur alveg hægri vinstri og auðkýfingar sem stela arðinum af auðlindum þjóðarinnar heimta bætur vegna þess að þeir töldu sig „eiga makrílkvóta“. Samkvæmt þeirra skilningi á almenningur á Íslandi ekki kvótann heldur útgerðarauðvaldið.

Svona er þetta. Þá eru hrunverjarnir komnir í stjórnir hinna ýmsu fyrirtækja. Hreiðar Guðjónsson er til dæmis forstjóri Sýnar sem á og rekur Stöð 2, visir.is, Bylgjuna, Stöð 2 sport, FM957 og Xið977.

Já, þetta er gæfulegt. Stórútgerðarmenn og auðkýfingar eiga Morgunblaðið. Auðmenn úr Samtökum atvinnulífsins og Samtökum iðnaðarins eiga Fréttablaðið og Hringbraut. Og hrunverji sem áfram fær að vera milljarðamæringur á Stöð 2, visir.is og Bylgjuna ásamt fyrrgreindum fjölmiðlum. Ætli Hreiðar sé einn af þeim sem fær borgaðar bætur frá ríkinu vegna hlerana?


Tengdar fréttir sem þú gætir haft áhuga á að lesa: