Við tökum á þessu saman – eins og sagt er.
Jón Örn Marinósson skrifar:
Ég sætti mig við hertar almennar sóttvarnaraðgerðir stjórnvalda og hef jafnframt ákveðið að taka upp í hálfan mánuð frá og með miðnætti í kvöld hertar Trump-takmarkanir sem heimila einungis aðgang að þremur fréttum af Bandaríkjaforseta á sólarhring. Barnum á heimilinu verður ekki lokað næsta hálfan mánuð en mér verður skylt að sitja sem fastast í ruggustólnum og láta annað heimilisfólk færa mér hressingu eftir því sem þörf krefur. Við tökum á þessu saman – eins og sagt er.