Ásmundur Friðriksson, þingamaður Sjálfstæðisflokksins, á Alþingi í gær:
„Samgöngur við Vestmannaeyjar eru enn og aftur komnar í umræðu. Það er mikið áhyggjuefni að innanlandsflugið virðist eiga mjög erfitt uppdráttar. Það eru allt of miklir skattar á innanlandsflugið og það verður almennt að taka á rekstrarvanda þess til að halda uppi flugi til hinna dreifðu byggða og ekki síst til Vestmannaeyja eins og annarra. Það er líka vandamál varðandi rekstur Herjólfs. Þar hefur vantað inn í þjónustusamninginn verulegar upphæðir og það þarf að taka á því um leið og útgerðin þarf að taka á rekstrarkostnaði skipsins.“
