- Advertisement -

Enn einu sinni mun öll launahækkun renna beint í ríkissjóð

Þar átti allt að vera svo auðvelt þegar búið væri að skipta um forystu í ASÍ og það átti að vera búið að semja fyrir jól um 40% launahækkun, niðurlagningu verðtryggingar auk mikillar lækkunar vaxta.

„Það sem hefur komið inn í sköttum frá umferðinni hefur hingað til farið að töluverðu leiti að lækka hátekjuskatta og auðlindagjöld. Sveltistefna Sjálfstæðis og Framsóknar hefur orðið til þess að nauðsynlegri uppbyggingu og lágmarksviðhaldi á vegakerfinu, heilbrigðiskerfinu og orkudreifikerfinu hefur ekki verið sinnt.“

Það er Guðmundur Gunnarsson sem skrifar þetta.

„Þannig hefur skattbyrði verið færð yfir lægst launuðu stéttirnar og aldraða,“ skrifar hann.

Þú gætir haft áhuga á þessum

Og hverjar eru afleiðingarnar?

„Nú eru afleiðingar þessar kolröngu stefnu Sjálfstæðis og Framsóknar komnar fram og þá er snarað fram tillögu um mestu skattahækkun sem lögð hefur verið á þjóðina og svo komið fyrir að hún fellur þyngst á láglaunahópana.“

Guðmundur sem svo margir aðrir er undrandi á VG.

„Þessu er snarað í gegn um þingið með blessun VG. Í löndunum í kringum okkur væri upptaka almennra veggjalda stórmál sem rætt væri árum saman áður en ákvörðun væri tekin. Á Íslandi eru slíku rubbað af. Dæmigert.“

Og svo skot á nýja forystu í verkalýðsfélögunum.

„Og ekkert heyrist frá Karphúsinu. Þar átti allt að vera svo auðvelt þegar búið væri að skipta um forystu í ASÍ og það átti að var búið að semja fyrir jól um 40% launahækkun, niðurlagningu verðtryggingar auk mikillar lækkunar vaxta.

Nú blasir við að enn einu sinni mun öll launahækkun láglaunamanna renna milliliðalaust í ríkissjóð.“


Booking.com

Auglýsing

Tengdar fréttir sem þú gætir haft áhuga á að lesa: