Ragnar Þór Ingólfsson, formaður VR, skrifaði:
„Aðalhagfræðingur Arion banka öskrar á meira! Meira fyrir okkur og kallar eftir 100 punkta stýrivaxtahækkun frá Seðlabankanum í mars í ljósi hárrar verðbólgu!
Ég held að fjölmiðlar ættu að sjá sóma sinn í að velja aðra viðmælendur en aðalhagfræðinga bankanna, sem vilja alltaf meira og meira og fá aldrei nóg! Hvernig væri að tala við fólkið sem greiðir nú hátt í tvöfalt það sem það greiddi af lánum sínum fyrir ári síðan? Eða fólkið sem á yfir höfði sér tvöföldun á greiðslubyrði lána þegar föstu vextirnir renna sitt skeið? Eða fólkið á leigumarkaði sem getur nú búist við enn frekari hækkunum? Eða forsætisráðherra sem ekkert hefur gert, annað en að koma vandanum yfir í starfshópa og nefndir á meðan staðan versnar og versnar hjá fólki? Hvað ætlar þetta „ágæta“ fólk að gera?
