- Advertisement -

MBL gegn SAJ 3. hluti: „Þangað horfa vafasamir pappírar vonaraugum“

„Og því síður, að félagið leitaðist við að „búta niður“ viðsemjendur sína í smá hluti, og veitast að þeim.“

Davíð Oddsson.

Davíð Oddsson brúkar bæði Reykjavíkurbréf morgundagsins og leiðara dagsins til að hnýta Sólveigu Önnu og Eflingu. Fyrr í dag birtum við úr greinum í Mogganum eftir Björn Bjarnason og Kolbrúnu Bergþórsdóttur. Nú er komið að ritstjóranum. Byrjum á Reykjavíkurbréfinu.

„Engin rök lágu til þess að verkalýðsfélagið Efling skærist úr leik gagnvart skammtímasamningi, sem hafði mjög sterkan stuðning hjá þeim sem greiddu um hann atkvæði. Og því síður, að félagið leitaðist við að „búta niður“ viðsemjendur sína í smá hluti, og veitast að þeim, þótt engin boðleg rök lægju til þess að það yrði gert. Þegar þetta er skrifað á föstudagskvöldi er ekki auðvelt að spá frekar í þessi spil. En að framan hefur þó einkum verið fjallað um vafasama framgöngu, aðeins skömmu eftir að menn fengu völd í félagi á ný, sem var þó fjarri því að vera afgerandi eða sannfærandi, svo ekki sé fastar kveðið að,“ skrifar fimm milljóna ritstjórinn.

Kannski vaknar hann upp og sér að: „Frelsi er fé betra“. Jæja áfram með Davíð:

Samtök atvinnulífsins hafa tekið fullan þátt í því að setja alla þá spilaborg upp.

„Það hefur nokkrum sinnum verið tiplað á því hér á landi að umgjörð verkalýðshreyfingarinnar standist naumast fyrirmæli stjórnarskrár okkar um félagafrelsi, og sé reyndar fjarri því. En það eru ekki verkalýðsfélögin ein sem hafa hrifsað til sín valdið í þeim efnum. Samtök atvinnulífsins hafa tekið fullan þátt í því að setja alla þá spilaborg upp. Það gerðu þau örugglega í þeirri trú að forysta samningsaðilanna gerði sér fulla grein fyrir því að fara yrði varlega með valdið, og það sérstaklega og einkum og sér í lagi ef efasemdir eru uppi um að það standist stjórnarskrá. Um áratugaskeið hafa fyrirtækin í landinu fært nýja launþega sína, oftast nær án mikils samráðs við þá, til tiltekinna verkalýðsfélaga sem „eiga“ þá samkvæmt þeirri skipan sem menn hafa látið sig hafa að búa við. Uns svo er komið að nær allur fjöldinn er þar bundinn og af þeim eru heimt gjöld af margvíslegu tagi og þangað horfa vafasamir pappírar vonaraugum, eins og hefur upp á síðkastið legið í lofti hér. Þetta er eins og fyrr segir ekkert nýtt hér, öðru nær.“

Fjórði þáttur verður sóttur í leiðara Mogggans. Þetta er alveg hreint magnað.


Auglýsing

Tengdar fréttir sem þú gætir haft áhuga á að lesa: