Mogginn í Skerjafjarðarstríði

Ólafur er ekki hrifinn af stöðu Framsóknar í stríðinu.

-sme

Mogginn er beinn þátttakandi í baráttunni að byggð verði ný hús í næsta nágrenni við heimili ritstjórans, Davíðs Oddssonar. Svo vel vill til að Marta Guðjónsdóttir, borgarfulltrúi XD, búyr einnig í nágrenninu.

Síðast vakti þessi baráttusveit athygli þegar skipt var um póstnúmer í Skerjafirði. Úr 101 og í 102. Spáð var verðfalli eigna í hverfinu vegna þessa. Sem auðvitað ekki varð.

Nú er það baráttan gegn nýrri byggð í hverfinu. Ólafur F. Magnússon, sem er fyrrverandi borgarstjóri rétt eins og Davíð, tekur þátt í Skerjafjarðarstríðinu. Ólafur er ekki hrifinn af stöðu Framsóknar í stríðinu. Ólafur notar Moggans til þess og skrifar þetta í Mogga dagsins:

„Þeir eru marg­ir núna sem iðrast þess sár­lega að hafa fallið fyr­ir svika­áróðri Ein­ars Þor­steins­son­ar fyr­ir borg­ar­stjórn­ar­kosn­ing­arn­ar 2022 og hugsa hon­um þegj­andi þörf­ina. En það er ekki aðeins hann sem hef­ur brugðist í flug­vall­ar­mál­inu, held­ur einnig formaður Fram­sókn­ar og innviðaráðherra, Sig­urður Ingi Jó­hanns­son, sem send­ir gleitt bros tæki­færis­mennsk­unn­ar yfir til vinstri.

Það er bein­lín­is óþægi­legt að horfa upp á óheil­indi Fram­sókn­ar í flug­vall­ar­mál­inu og kúvend­ing­una frá því að maddaman bauð fram lista „Fram­sókn­ar og flug­vall­ar­vina“ árið 2014. Það verður að refsa Fram­sókn­ar­flokkn­um fyr­ir þessi ósköp í kom­andi kosn­ing­um, bæði til þings og sveit­ar­stjórna. Eða eins og seg­ir í ljóði mínu eft­ir nýj­ustu tíðindi í flug­vall­ar­mál­inu,“ skrifar Ólafur.

Hann endar skrif sín með frumortu ljóði:

Í Vatns­mýri er sárt að sjá

svik við land og þjóð.

Refs­ingu mun Fram­sókn fá

fyr­ir ljóta slóð.

Næsta orrusta í stríðinu mun birtast í Mogga morgundagsins.