Sprengisandur Salvör Nordal verður gestur í þættinum Sprengisandur á Bylgjunni á sunnudagsmorgun. Hún hefur skrifað grein sem hún nefnir: Ábyrgð, stofnanir og íslensk stjórnsýsla. Lærdómar af bankahruni. Rætt verður um efni greinarinnar.
Salvör sat í þeim hluta fyrstu Rannsóknarnefndar Alþingis sem greindi Siðferði og starfshætti í tengslum við fall íslensku bankanna 2008.
Mörg álitaefni verða rædd á sunnudaginn.
Þóroddur Bjarnason prófessor er stjórnarformaður Byggðastofnunar. Hann verður lika gestur þáttarins. Framtíðartækifæri okkar eru á landsbyggðinni, eða landsbyggðunum einsog Þóroddur segir einatt, sagði forsætisráðherra á þjóðarhátíðardaginn.
„Hnignun smærri byggða á sér margar orsakir, svo sem tækniframfarir og samþjöppun framleiðslunnar, hækkandi menntunarstig og sérhæfingu á vinnumarkaði – og auknar kröfur um lífsgæði nútímasamfélagsins.“
Þetta segir Þóroddur á einum stað. Eiga allir byggðar að lifa eða ekki og ef ekki hverjar eiga þá að deyja? Er sanngirni í að taka oinbert starf af einum og flytja til annars? Þetta og margt annað í þættinum Sprengisandur.
