- Advertisement -

„Þvættingur“ í borgarstjóra

„Hvaða þvættingur er þetta. Öruggasti ferðamáti fólks í dag er í einkabílum. Almenningssamgöngur eru ekki að uppfylla sama öryggi og einkabíllinn. Hvernig í dauðanum má fá virðingu fyrir tveggja metra reglunni með því að banna bílaumferð,“ skrifaði Ólafur Guðmundsson, varaborgarfulltrúi Sjálfstæðisflokksins, eftir að hann las hugmyndir Dags B. Eggertssonar borgarstjóra.

„Dagur ætti því að byrja á sjálfum sér með því að leggja borgarstjórabílnum og hætta að umgangast einkabílstjóra sinn. Þar eru tveir í sama bílnum í minna en tveggja metra fjarlægð, algjörlega að óþörfu og með ærnum kostnaði skattgreiðenda, engum til gagns eða öryggis,,“ skrifar Ólafur.

„Gaman væri að fá lista yfir þær götur sem ætti að loka í þessum tilgangi. Ætli Óðinsgata, Óðinstorg, Spítalastígur og Týsgata séu ekki efst á listanum vegna sóttvarna borgarstjóra sjálfs. Allur miðbærinn er mannlaus hvort sem er, sérstaklega vegna lokunaráráttu borgarstjóra og núverandi meirihluta á aðgangi fólks að borginni sinni. Ekki borginni þeirra í meirihlutanum, heldur borg íbúanna, borgarbúa og þeirra sem þessa borg vilja heimsækja. Ástandið núna sýnir og sannar á hvaða villigötum þau eru með þessa einangrunarstefnu sinni.“

Þú gætir haft áhuga á þessum

Tengdar fréttir sem þú gætir haft áhuga á að lesa: