Björn Leví rifjar upp kenningu Davíðs

Björn Leví Gunnarsson skrifar langa grein á Vísi. Á einum stað rifjar hann upp stjórnmálakenningu Davíðs Oddssonar:

„Fólk getur sökkt sér í alls konar mál og fengið ranga niðurstöðu. Pólitíkin og meira að segja vísindin eru troðfull af slíkum málum, þar sem fólk hefur annað hvort haft rangt fyrir sér eða viljandi snúið út úr. Ég bendi á opinbera viðurkenningu fyrrum forsætisráðherra:

„Ég gerði öll mál tor­tryggi­leg og fylgdi þeirri reglu veiðimanns­ins að maður má ekki ein­ung­is kasta flugu sem manni finnst fal­leg því að maður veit aldrei hvaða flugu lax­inn tek­ur. Ég tók því upp öll mál, jafn­vel þó að ég væri í hjarta mínu samþykk­ur þeim, og hjólaði í þau því að ég leit á stjórn­ar­and­stöðu sem stjórn­ar­and­stöðu.“

Ég veit að þessari aðferðafræði er enn beitt í pólitíkinni. Ég hef séð hana í verki oftar en einu sinni og þessi aðferðafræði er að mínu mati stærsta vandamál sem við stöndum frammi fyrir í mannlegu samfélagi. Þetta er uppspretta óheiðarleikans. Ég veit að fullt af fólki sem svarar „nei“ beitir samt þessari aðferðafræði – og því er það ekki satt að þeir aðilar séu endilega líklegir til þess að vilja öllum gott.“