Stjórnendur fyrirtækja innan Samtaka atvinnulífsins eru þeirrar skoðunar, margir hverjir, að hér sé allt að fara fjandans til og ekkert verra geti gerst hjá þjóðinni en að lægst launaða fólkið fái leiðréttingu á sínum lágum launum.
„54% stjórnenda stærstu fyrirtækja landsins telja að aðstæður í atvinnulífinu versni á næstu sex mánuðum og aðeins 4% að þær batni. Þetta kemur fram í könnun Samtaka atvinnulífsins meðal stjórnenda 400 stærstu fyrirtækja landsins, sem reglulega er framkvæmd.“
Þetta segir í frétt Moggans í dag. Fréttin er löng og fyrirséð nú í aðdraganda kjarasamninga. Ekki er vitað hversu margir hlusta á grátkórinn, en hinn falski söngur heyrist varla mikið út fyrir B35.
Ef viðbrögð þeirra verða þessi er víst að þeir sem þar ráða för vísa þjóðfélaginu í hörð átök í vetur. Þau fyrirtæki sem ekki treysta sér að leiðrétta lægstu laun geta varla talist mikils virði.
-sme
