Þeir sem reyndu gleyma aldrei hlandfýlunni sem var á karlaklósettinu á Melavellinum gamla. Sakni hennar einhver vill svo til að hún er varðveitt, eða önnur ámóta orðið til, en það er í Varmahlíð í Skagafirði.
Með öllu er ómögulegt að ímynda sér að sá sem byrjar komuna í Varmahlíð á klósettinu, kaupi sér síðan að borða í Varmahlíð. Annað er ámóta og klósettið. Allt virðist á niðurleið og viðhaldið ábótavant. Vegasjoppur geta varla orðið minna spennandi.
Sem dæmi má nefna að aðaldyr hússins eru enn gerð fyrir vinstri umferð, en á Íslandi var tekin upp hægri umferð 26. maí 1968, nema í Varmahlíð, þar er enn vinstri umferð. Semsagt, vinstri dyrnar opnast inn og þær hægri út. Öfugt. Segir kannski alla söguna, á niðurleið í áratugi.
Ekki kom til greina að kaupa mat í Varmahlíð. Þess í stað var stoppað á Blönduósi. Þar eru Ömmukaffi, fínasta kaffihús og snyrtilegt.
-sme
