- Advertisement -

Óþolandi framganga ríkisstjórnarinnar

- fyrrverandi forsætisráðherra gagnrýnin á ákvarðanir núverandi ríkisstjórnar. Segir stjórnina hafa misst af öllum helstu markmiðum í málefnum Arionbanka.

Sigmundur Davíð Gunnlaugsson.

Umræðan „Ríkið gat yfirtekið Arionbanka sem hluta af stöðugleikaframlögunum,“ skrifar Sigmundur Davíð Gunnlaugsson, fyrrverandi forsætisráðherra, á vefsíðu sína.

„Að mínu mati átti ríkið að gera það og meta bankann lágt. Það náðist ekki samstaða um það okkar megin en í staðinn var farin sú leið að tryggja ríkinu megnið af söluverðmæti bankans þegar og ef hann yrði seldur. Einnig hafði ríkið aðkomu að sölunni og forkaupsrétt ef reynt yrði aðselja bankann á of lágu verði. Loks var samið um að bankinn færi til ríkisins ef hann hefði ekki verið seldur fyrir mitt næsta ár.

Það er þess vegna óþolandi að ríkisstjórnin ætli nú að leyfa vogunarsjóðum að selja sjálfum sér, og öðrum vogunarsjóðum, bankann á undirverði. Með því er í raun verið snuða ríkið (sem á megnið af bankanum óbeint).

Þú gætir haft áhuga á þessum

Þetta mál snýst einkum um þrennt. Að ríkið fái eðlilegar greiðslur, að eignarhald kerfislega mikilvægs fyrirtækis standist skoðun og að umbætur í starfsemi bankans séu liður í nauðsynlegri endurskipulagningu fjármálakerfisins.

Öllu þessu mátti ná með beinni yfirtöku ríkisins en einnig með þeirri leið sem farin var.

Með niðurstöðu núverandi ríkisstjórnar næst ekkert þessara höfuðmarkmiða. Ríkið fær ekki eðlilegt gjald, eigendur verða misálitlegir vogunarsjóðir og ekki er gert ráð fyrir hlutverki bankans við mótun fjármálakerfisins.
Reyndar virðast stjórnvöld ekki hafa neina sýn um það mál yfir höfuð,“ skrifar hann.


Booking.com

Auglýsing

Tengdar fréttir sem þú gætir haft áhuga á að lesa: