Réttlætir ofurhækkanir yfirstéttarinnar
Minnist ekki á að leiðrétta þurfi kjör aldraðra og öryrkja.
Þeir Jón Þ. Ólafsson þingmaður Pirata og Brynjar Nielsson þingmaður Sjálfstæðisflokksins tókust á um úrskurði kjararáðs á alþingi í gær. Brynjar sá ekkert athugavert við það, að yfirstéttinni hefði verið úrskurðuð himinhá kauphækkun á sama tíma og verkafólk hefði fengið titlingaskít.
Brynjar er raunar einn mesti hægri maður íhaldsliðsins á alþingi.Hann sagði,að í kjölfar bankahrunsins (í kreppunni) hefðu laun margra hálaunamanna verið fryst og jafnvel lækkuð. Það væri því eðlilegt, að þeir fengju miklar hækkanir nú (ráðherrar 64% hækkun,þingmenn 45% hækkun, háttsettir embættismenn upp í 48% hækkun).
Jón Þ.Ólafsson var á annarri skoðun.É g (BG) vil benda á það,a ð laun/lífeyrir aldraðra og öryrkja var einnig frystur og þau lækkuð. Ekki er farið að leiðrétta þá skerðingu. Brynjar hefur ekki jafnmiklar áhyggjur af slæmum kjörum aldraðra og öryrkja eins og af kjörum ráðherra,þingmanna og embættismanna.
Þingmenn eins og Brynjar réttlæta ofurhækkanir ráðherra , þingmanna og embættismanna en hafa engar áhyggjur af lífeyri aldraðra og öryrkja, sem eru við fátæktarmörk. Þó er það verkefni þingmanna að gæta hagsmunsa aldraðra og öryrkja. Alþingi stendur ekki í stykkinu.Það er því tímabært að lækka laun þeirra og aukagreiðslur og þó fyrr hefði verið.
