- Advertisement -

Sakar Heiðveigu Maríu um að hafa leitt hörmungar yfir Sjómannafélagið

- þetta er mat Jóns Haf­steins Ragn­ars­sonar, sem er einn þeirra sem lagði fram tillöguna um henni yðri vísað úr félaginu, sem var og gert. Segir farmenn hafa notið; „...kjara­bóta sem hinn al­menna verka­mann gæti ekki órað fyr­ir í sín­um villt­ustu draum­um.“

„Fram­ganga Heiðveig­ar Maríu hef­ur leitt af sér hörm­ung­ar og tími til kom­inn að hin al­menni fé­lags­maður láti í sér heyra svo fjöl­miðlar hætti að láta glepj­ast af henn­ar frá­leita mál­flutn­ingi og til­raun­um til að sverta stjórn, trúnaðarmannaráð og starfs­fólk fé­lags­ins,“ segir Jón Haf­steinn Ragn­ars­son, sem er ekki bara félagi í Sjómannafélagi Íslands, heldur er einnig einn þeirra sem flutti tillöguna um að Heiðveigu Maríu Einarsdóttur, sem hugðist bjóða sig fram til formanns í félaginu, yrði vísað úr félaginu. Sem og var gert.

Þurfti ekki að ata félagið auri

Hann mærir starf Sjómannafélags Íslands hástöfum í Moggagrein.

„…hef ég horft upp á og notið kjara­bóta sem hinn al­menna verka­mann gæti ekki órað fyr­ir í sín­um villt­ustu draum­um. Við höf­um fengið góðan og víðtæk­an stuðning frá fé­lag­inu í öll­um mál­um sem hafa brunnið á okk­ur. Ég þurfti ekki að sækja um vinnu hjá Sjó­manna­fé­lag­inu; ég þurfti ekki að vera í nein­um nefnd­um eða ráðum; ég þurfti ekki að ata fé­lagið auri og „sjanghæja“ for­mennsku með lyg­um og sví­v­irðing­um í beinni út­send­ingu, eins og Heiðveig María hef­ur reynt svo eft­ir­minni­lega með dygg­um stuðningi Gunn­ars Smára Eg­ils­son­ar og fé­laga í Sósí­al­ista­flokki Íslands,“ skrifar hann.

Þú gætir haft áhuga á þessum
„Staðreynd­ir máls­ins eru bara þær að Sjó­manna­fé­lag Íslands með Jón­as Garðars­son í broddi fylk­ing­ar hef­ur áorkað meiru en nokk­urt annað verka­lýðsfé­lag hef­ur gert síðastliðin 30 ár. Ef menn sjá það ekki þá eru þeir staur­blind­ir á rétt og rangt. Það er bara þannig.“

Með Jónas í broddi fylkingar

Jón Hafsteinn bendir á að tæplega eiga farmenn og fiskimenn samleið í einu og sama félaginu.

„Lyk­ill­inn að þessu er klár­lega sá að við tíma­vinnu­sjó­menn búum að sam­stöðu sem hef­ur skilað okk­ur þeim ár­angri sem við höf­um náð á und­an­förn­um árum. Ég tók meðvitaða ákvörðun um að blanda mér sem minnst í umræðuna á op­in­ber­um vett­vangi enda er þar ekk­ert að finna nema skít­kast og per­sónu­leg­ar árás­ir sem eiga eng­an veg­inn rétt á sér og koma þessu til­tekna máli bara akkúrat ekk­ert við. En mæl­ir­inn er full­ur,“ skrifar hann.

Og hann sendir formanninum vinarkveðju.

„Staðreynd­ir máls­ins eru bara þær að Sjó­manna­fé­lag Íslands með Jón­as Garðars­son í broddi fylk­ing­ar hef­ur áorkað meiru en nokk­urt annað verka­lýðsfé­lag hef­ur gert síðastliðin 30 ár. Ef menn sjá það ekki þá eru þeir staur­blind­ir á rétt og rangt. Það er bara þannig.“


Tengdar fréttir sem þú gætir haft áhuga á að lesa: