- Advertisement -

Sjálfstæðismenn vilja að borgin selji eignir

…að gera fólki kleift að eignast félagslegt leiguhúsnæði Félagsbústaða.

„Tillögur sjálfstæðismanna, sem eru tuttugu talsins, miða að því að beina fjárfestingum í réttan farveg og minnka báknið með það fyrir augum að lækka álögur á fólk og fyrirtæki í Reykjavík á þessum erfiðu tímum. Ein tillagan lýtur að því að þeir sem leigja nú hjá Félagsbústöðum geti keypt íbúðina sem þeir leigja, en samkvæmt könnun Íbúðarlánasjóðs vilja 80% leigjenda eignast sína eigin íbúð,“ segir Eyþór Arnalds, oddviti Sjálfstæðisflokks í borgarstjórn, og bætir við: „Reykjavíkurborg gerir ráð fyrir stórfelldri skuldsetningu að óbreyttu. Við viljum vinda ofan af þeirri þróun með því selja fyrirtæki borgarinnar sem eru í samkeppnisrekstri eins og Malbikunarstöðina Höfða og Gagnaveituna en þar liggja tugir milljarðar. Stórhækkað vaxtaálag á borgina sýnir að núverandi plan gengur ekki upp til lengdar.“

Borgarstjórnarflokkur Sjálfstæðisflokksins mun í dag á fundi borgarstjórnar, sem hefst kl. 10:00, leggja til tuttugu breytingartillögur við frumvarp að fjárhagsáætlun Reykjavíkurborgar fyrir árið 2021.

Meðal þess sem lagt er til er að gera fólki kleift að eignast félagslegt leiguhúsnæði Félagsbústaða, að rekstur sorphirðu í borginni verði boðin út og að Gagnaveita Reykjavíkur og Malbikunarstöðin Höfði, sem eru fyrirtæki á samkeppnismarkaði, verði seld og skuldir lækkaðar til samræmis. Þá er lagt til að hagrætt verði í miðlægri stjórnsýslu og að fallið verði frá fjárfestingu í Grófarhúsinu sem ráðgert er að kosti á fimmta milljarð króna, auk fjölda annarra tillagna.


Auglýsing

Tengdar fréttir sem þú gætir haft áhuga á að lesa: