- Advertisement -

Taka veð í útsvarstekjum Reykjavíkur

- enn voru átök í borgarráði milli meirihlut og minnihluta. Nú um slæma stöðu Félagsbústaða og leiðir til lausna á henni.

„…óskað er eftir því að borgarstjórn veiti Lánasjóði sveitarfélaga veð í útsvarstekjum Reykjavíkurborgar til tryggingar á ábyrgð á lántöku.“

Þetta mál vakti óróa á fundi borgarráðs. Meirihlutinn bókaði: „Félagsbústaðir annast rekstur félagslegra leiguíbúða fyrir Reykjavíkurborg sem á allt hlutafé í Félagsbústöðum og hefur sett félaginu það markmið að kaupa 500 íbúðir á árunum 2018-2022. Lán þetta mun fjármagna hluta af þeim kaupum.“

Minnihlutinn bókaði andstöðu sína. Fulltrúar Sjálfstæðisflokksins bókuðu:

„Stjórnun Félagsbústaða hefur verið ábótavant. Framkvæmdastjórinn hefur látið af störfum og verkefni hafa farið langt fram úr kostnaðaráætlun. Hér er lagt til að Félagsbústaðir fái veð hjá Reykjavíkurborg upp á einn milljarð  kr. þar sem tekið er veð í sjálfum útsvarstekjum borgarinnar. Slíkt fyrirkomulag er í raun og veru til þess fallið að fela eiginlega skuldsetningu borgarsjóðs þar sem útsvarstekjurnar eru grunntekjustofn borgarinnar. Félagsbústaðir skulda um 35 milljarða króna og fer skuldsetning vaxandi. Ljóst er að félagið á erfitt með að fjármagna sig á skuldabréfamarkaði og því er leitað í útsvarsveð. Félagið hefur bókað 44 milljarða á „matshækkun fjárfestingaeigna“ en er nú engu að síður fjárþurfi. Þá vekur athygli að stjórnarsamþykkt Félagsbústaða er til Auðuns Freys Ingvarssonar, umboð til þess að undirrita lánssamning en hann hefur látið af störfum.“

Vigdís Hauksdóttir bókaði einnig. Þar má lesa þetta: „Á meðan málefni Félagsbústaða eru í slíkum ólestri eins og birst hefur undanfarna daga er ófært að gefa félaginu heimildir til frekari lántöku.“

Kolbrún Baldursdóttir bókaði einnig, til dæmis þetta: „Taka þarf á vanda Félagsbústaða heildstætt. Ekki þýðir að vera sífellt með einhverja plástra.“

Þú gætir haft áhuga á þessum

Booking.com

Tengdar fréttir sem þú gætir haft áhuga á að lesa: