- Advertisement -

Vonbrigði í Valhöll

Yf­ir­lýs­ing­ar ráðherra um „áfrýj­un“ eru ein­hvers kon­ar mein­loka.

Varaformaður Sjálfstæðisflokksins, Þórdís Kolbrún Reykfjörð Gylfadóttir, á sýnilega ekki sterkt bakland á ritstjórn Moggans. Ritstjórinn reynir að gera lítið úr hinum nýja dómsmálaráðherra.

„Yf­ir­lýs­ing­ar ráðherra um „áfrýj­un“ eru ein­hvers kon­ar mein­loka sem ein­hverj­ir hafa komið inn hjá hon­um, von­andi þó ekki þeir sömu sem séð hafa hon­um fyr­ir öll­um villu­ljós­un­um varðandi orkupakka sem hef­ur verið dap­ur­legt að horfa upp á, ekki síst fyr­ir þá sem höfðu vænt­ing­ar til þessa ráðherra.“

Skýrara þarf það ekki að vera. „Varla felst í áfrýj­un­ar­tal­inu fyr­ir­heit ráðherr­ans um að hann muni telja sig bund­inn af niður­stöðu þeirr­ar áfrýj­un­ar? Sé svo þá verður ekki kom­ist hjá því að ætla að ráðherr­an­um sé enn meira upp­sigað við ís­lensku stjórn­ar­skrána en hollt er eða skilj­an­legt,“ skrifar hinn vonsvikni ritstjóri eftir ráðherraskiptin, sem hann telur vera verk Katrínar Jakobsdóttur.

Þú gætir haft áhuga á þessum

Áfram úr Hádegismóum:

„Þess utan hef­ur þessi ráðherra nú tví­veg­is skrifað und­ir eft­ir­far­andi yf­ir­lýs­ingu á Bessa­stöðum: „Ég und­ir­rituð sem skipuð er ráðherra í rík­is­stjórn Íslands lofa hér með og heiti því að halda stjórn­skip­un­ar­lög lands­ins og gegna trú­lega og dyggi­lega skyld­um þeim er fram­an­greint embætti og veit­ing­ar­bréf mitt leggja mér á herðar.“ Þetta lof­orð við þjóð sína er ekki hægt refsi­laust að teygja til eða toga og það gera menn varla held­ur þótt þeir eigi það ekki við annað en sam­visku sína. Hún er mörg­um nokk­urs virði.“

Varðandi afsögn Sigríðar Á. Andersen segir ritstjórinn: „Nú síðast varð að þvinga ráðherra til að axla ábyrgð á niður­stöðu mik­ils meiri­hluta þings­ins án taf­ar, enda hlyti hún að geta syrgt móður sína þegar bet­ur stæði í bælið hjá belg­ingsliði. Allt var það hátta­lag til hinn­ar mestu skamm­ar.“

Og hvað ætli ritstjóranum þyki þá um dóminn sjálfan? „Rugl­dóm frá Strassborg má koma fyr­ir uppi í hillu við hliðina á skýrsl­um umboðsmanns Alþing­is, eða með þeim í neðsta kjall­ara eins og pláss­leysið er orðið.“


Booking.com

Tengdar fréttir sem þú gætir haft áhuga á að lesa: