„En ég nenni ekki að elta ólar við þetta þótt ég hafi mögulega farið fram úr mér.“ Og hana nú. Það var Ásmundur Friðriksson Sjálfstæðisflokki sem sendi frá sér þessa yfirlýsingu. Óvíst er með öllu að Ásmundur Friðriksson sé fyrstur Íslendinga til að gefast upp á Ásmundi Friðrikssyni. Í raun og veru hlaut að koma að því að Ásmundi þætti nóg komið af þessum sama Ásmundi.
Ásmundu reyndi fyrir sér með klögubréf í útlandinu. Vegur Ásmundar Friðriksson í útlöndunum er enginn. Ekki einu sinni akvegur. Honum var bent á að troða klögubréfinu í, æi þið vitið hvert.
Eitt mun Ásmundur hafa lært síðustu daga. Hann á aldrei að gefa færi á viðtölum með stuttu millibili. Þar sem hann man ekki hvað hann segir frá degi til dags er honum ráðlagt að láta lengri tíma líða í von um að annað fólk gleymi líka því sem hann segir. Fréttir herma að Ásmundur hafi náð þessu.