- Advertisement -

Að sanna sakleysi sitt

Stuðningsreikningur Miðjunnar er: 26-515 521009 Kt: 521009-2920.

„13. janúar 2020. Það er snjór en ekki svo kalt. Að morgni 13. janúar árið 2011 var líka snjór og kalt,“ skrifar Sigurður G. Guðjónsson  lögmaður. „Þann morgun lét embætti sérstaks saksóknara til skarar skríða og réðst til handtöku og húsleitar hjá nokkrum fyrrum starfsmönnum Landsbanka Íslands hf. Sumir þeirra voru síðan lokaðir inni í fangaklefa og síðar úrskurðaðir í gæsluvarðhald. Þegar gæsluvarðhaldi lauk hleraði embætti sérstaks saksóknara síma starfsmannanna fyrrverandi. Kom þetta nokkuð flatt upp á hina handteknu enda höfðu sumir þeirra verið yfirheyrðir um hluta sakargifta í júlí 2009,“ skrifar hann og heldur áfram:

„Ákærur litu síðan dagsins ljós í mars 2013 og dómar Hæstaréttar í október 2015 og febrúar 2016. Málsmeðferð þessari var vísað til Mannréttindadómstóls Evrópu. Sá dómstóll hefur ekki lokið málsmeðferð sinni. Þá var líka leitað eftir endurupptöku hér á landi eftir að í ljós kom að draga mátti í vafa hæfi dómara Hæstaréttar.“

Þú gætir haft áhuga á þessum

Og að lokum: „Endurupptökunefnd féllst á endurupptöku árið 2019. Hæstiréttur hefur nú ákveðið að málin tvö á hendur umbjóðanda mínum Sigurjóni Þ. Árnasyni verði flutt fyrir Hæstarétti miðvikudaginn 26. febrúar og 4. mars. Sigurjón hefur því haft réttarstöðu sakbornings frá júlí 2009 og til dagsins í dag og hefur allan þann tíma mátt standa í því að sanna sakleysi sitt, þó það sé hlutverk ákæruvaldsins að sanna sekt hans.“


Tengdar fréttir sem þú gætir haft áhuga á að lesa: