Alþingi Árni Páll Árnason, formaður Samfylkingarinnar, var fyrsti ræðumaður dagsins á Alþingi. Hann byrjaði á að vitna til orða Bjarna Benediktssonar í Sprengisandi í gær. Þar sagði Bjarni að sumt vinnandi fólk hafi ekki betri kjör en öryrkjar og eldri borgarar.
„Hvað eiga þessi ummæli að þýða?“
Bjarni sagði að kvati verði að vera til staðar þannig að þeir sem eru á örorkubótum en geti hugsanlega verið í vinnu hafi kvata til þess. Bjarni sagði fjölgun öryrkja vera raunverulegt vandamál. Hann nefndi einkum unga karlmenn. „Okkur er að mistakast að hjálpa þessu fólki.“
Árni Páll var ekki sáttur með svör ráðherrans og sagðist halda að hann teldi sig vera jafnoka Jesús Krists, sem getur veitt veikum líkn, blindum sjón og svo framvegis.
Bjarni ítrekaði að á næsta ári verði kaupmáttur hærri en nokkru sinni, ef fer sem horfir.
