- Advertisement -

Ekki nóg að líta mál alvarlegum augum

„Hvað hefur farið úrskeiðis hjá borginni? Þurfa ekki vinnubrögð borgarmeirihluta síðasta kjörtímabils að vera tekin út af óháðum aðila?“

Kolbrún veitir harða stjórnarandstöðu.

„Hvert málið af öðru er nú að springa framan í meirihlutann. Jafnréttislög brotin, dómur sem kostar borgina margar milljónir. Hið víðfræga braggasukk og Mathöllin á Hlemmi, þrefalt fram úr áætlun. Alvarleg málefni Félagsbústaða að springa út, undirboð á starfsmönnum Strætó bs. og aðbúnaður og öryggi á Grensásvegi 12 sem er ekki í samræmi við lög og reglur. Hvar er keðjuábyrgðin í þessum málum?“

Þetta segir í bókun Kolbrúnar Baldursdóttur, Flokki fólksins, í borgarstjórn.

„Meirihlutinn segir þetta allt grafalvarlegt. Að líta mál alvarlegum augum nær skammt í ljósi alls þessa. Þegar litið er yfir þessi mál er nokkuð víst að mörg þeirra hafa fengið að grassera lengi án viðunandi eftirlits og aðhalds fyrrverandi meirihluta sem að hluta til situr nú áfram við völd. Hvað hefur farið úrskeiðis hjá borginni? Þurfa ekki vinnubrögð borgarmeirihluta síðasta kjörtímabils að vera tekin út af óháðum aðila? Hvað fór úrskeiðis við stýringu borgarinnar, eftirlit og aðhald í þessum málum?“

Þú gætir haft áhuga á þessum

Kolbrún er ekki hætt: „Á það má minna að Píratar sátu í síðustu borgarstjórn. Píratar og Viðreisn ganga inn í þetta samstarf og axla þar með þessa ábyrgð. Stefna þessara tveggja flokka sem hér eru nefndir er svo sannarlega ekki að fá að blómstra í þessu samstarfi í því ástandi sem nú er með hverjum degi að fá skýrari mynd.“

„Að líta mál alvarlegum augum nær skammt í ljósi alls þessa.“


Booking.com

Tengdar fréttir sem þú gætir haft áhuga á að lesa: