ESB: Konráð S. Guðjónsson skrifaði:
„ESB mun ekki auðvelda þér að kaupa íbúð eða lækka matvælaverð um 25%
Þegar ég skrifaði pistil gærdagsins um furðulega umræðu um kaupmátt Íslendinga í alþjóðlegu samhengi varð mér hugsað til þess að það eru til fjölmörg dæmi i um að málflutningur í tengslum við ESB sé allt frá því að vera flóknari en virðist í fyrstu yfir í hreinar rangfærslur. Hér eru nokkur dæmi:
- – Ekkert bendir til þess að það sé auðveldara að eignast húsnæði í ESB.
- – Matvælaverð í Finnlandi og Svíþjóð lækkaði ekki nærri því um 25-30% við inngöngu í ESB.
- – Evrópski seðlabankinn mun ekki lána okkur fyrir lægri vöxtum.
– Efnahagsleg frammistaða ESB er flóknari en oft er haldið fram enda eru löndin ólík og almennt tekjuhá í alþjóðlegu samhengi.“
Hinkrum aðeins við. Byrjum á húsnæðinu. Ótal dæmi sýna að þetta sé ekki alveg rétt sem Konráð skrifar. Víðast er léttara að eignast húsnæði en hér á landi. Svo ekki sé talað um ástandið sem ríkir hér núna.
Hvað lækkaði matvælaverð í Finnlandi og Svíþjóð mikið við inngöngu í ESB? Megum ekki gleyma að matvara var ódýrari í þeim löndum, en hún er hér og þess vegna er varla hægt að bera þetta saman. Matarverð á Íslandi er jú með því hæsta sem þekkist í Evrópu, ef ekki bara það hæsta.
Hvað varðar það sem evrópski Seðlabankinn mun gera ef við göngum í ESB veit Konráð eðlilega ekekrt um, ekki frekar en ég eða þú. Kannski kemur það í ljós og kannski ekki. Fer eftir hvort á það reynir.
