Eru ekki allir á leið á Austurvöll á laugardaginn? Samherjamenn segjast meira og minna saklausir!
Nú sitja þeir um Héraðssaksóknara og Skattrannsóknarstjóra og heimta að ekki sé hlustað á gagnrýnina, því þeir séu meira og minna saklausir.
Katrín Baldursdóttir skrifar:
Samherjamenn eru svo ósvífnir og veruleikafirrtir að þeir voga sér að senda frá sér þessi skilaboð til þjóðarinnar. „Sitjandi forstjóri Samherja segir að þegar hafi verið sýnt fram á að „stór hluti þeirra ásakana sem settar hafi verið fram á hendur Samherja eigi ekki við rök að styðjast“.
Þar eru ekki færð nein rök fyrir þessari staðhæfingu né lögð fram gögn. Hugsið ykkur hvað þessir menn eru spilltir. Gjörsamlega siðblindir. Í stað þess að biðja íslensku þjóðina og þá namibísku afsökunar á glæpum sínum þá koma þeir forhertir og reyna að þurrka yfir allt saman. Það er búið að handtaka sökudólgana í Namibíu, hlutabréf í norskum banka hafa hríðfallið og gögnin frá Wikileaks eru borðleggjandi. Og nú sitja þeir um Héraðssaksóknara og Skattrannsóknarstjóra og heimta að ekki sé hlustað á gagnrýnina, því þeir séu meira og minna saklausir.
Ég á ekkert einasta orð. Nú er að fylgjast með hvernig stjórnvöld ætla að bregðast við.
En þjóðin mótmælir spillingunni á Austurvelli á laugardaginn. Mæting kl: 14.