- Advertisement -

Gerum okkur að athlægi út í heimi

Hvað er það sem Kristján Þór fær í staðinn fyrir að vera gólfmotta útgerðargreifanna?

Katrín Baldursdóttir skrifar.

Þetta er allt eins! Við gerum okkur að athlægi út í heimi fyrir að falla í duftið fyrir kvótakóngum. Sameinuðu þjóðirnar gagnrýna að engin gögn séu til um brottkast hér á landi. Ríkisstjórninni er slétt saman og hefur ekkert gert í málinu. Og það þrátt fyrir að Ríkisendurskoðun hafi gert alvarlegar athugasemdir við eftirlit Fiskistofu með brottkasti, vigtun og samþjöppun aflaheimilda og að eftirlitið styðji ekki við markmið laga um stjórn fiskveiða. Kristjáni Þór sjávarútvegsráðherra er alveg sama um almenning. Hann gerir ekkert nema það sem þóknast kvótagreifunum. Kvótakóngarnir eru það sem skiptir máli.
Hvað er það sem Kristján Þór fær í staðinn fyrir að vera gólfmotta útgerðargreifanna? Þetta verður að fá fram í dagsljósið. Kristján verður að sjálfsögðu að víkja nú þegar úr embætti sjávarútvegsráðherra. Síðan á að opna alla bankareikninga hans, kanna hvort og þá hvaða aflandsreikinga hann á, hvar og í gegnum hvaða félög, hvaðan peningarnir koma og svo hlutabréf sem gætu verið í hans eigu.

Þú gætir haft áhuga á þessum

Og afhverju gerist ekkert í málinu?

„Í frumvarpi um stjórn fiskveiða sem lagt var fram á síðasta ári var lagt til að öll skip sem stundi veiðar skuli hafa um borð virkt, rafrænt myndavélakerfi, sem fylgist með veiðum og vinnslu afla. Eftirlitsmenn Fiskistofu skulu hafa aðgang að upplýsingum úr kerfinu. Ekkert hefur hins vegar gerst í málinu samkvæmt upplýsingum fréttastofu,“ eins og segir í þessari frétt.

Og afhverju gerist ekkert í málinu? Nú þið vitið af hverju! Af því að Þorsteinn í Samherja, Guðmundur í Brimi og aðrir auðkýfingar í sjávarútveginum vilja það ekki. Hagsmunir þjóðarinnar skipta engu máli.


Booking.com

Tengdar fréttir sem þú gætir haft áhuga á að lesa: