Hafa frjálsan aðang að ríkissjóði

„Athugun Ríkisendurskoðunar leiddi í ljós að ráðuneytin höfðu oft aðeins samband við einn aðila og buðu honum tiltekin verkefni.“

Þetta er niðurstaða úr könnun Ríkisendirskoðunnar á kaupum ráðuneyta á sérfræðiþjónustu á árunum 2013 til 2015.

„Slík vinnubrögð eru í skýrri andstöðu við reglur og leiðbeiningar um kaup á sérfræðiþjónustu og ekki í samræmi við ákvæði laga um jafnræði og gagnsæi. Þá voru ekki alltaf gerðir samningar um kaup á þjónustu eða verk- og kostnaðaráætlanir. Þær eru forsenda þess að hægt sé að hafa markvisst eftirlit með starfi ráðgjafa og meta árangur.“

Ríkisendurskoðun telur nauðsynlegt að ráðuneytin tryggi hagkvæmni og skilvirkni við kaup á ráðgjafaþjónustu og beiti, í auknum mæli, verðkönnunum, hæfnismati og úboðum. „Þá verða ráðuneytin að gæta gagnsæis og jafnræðis meðal aðila á markaði vegna þeirra verkefna sem þau bjóða út.“

Ríkisendurskoðun er ekki skemmt og gerir athugasemd við að ráðuneytið hafi ekki staðið betur að samningsgerðinni og hagað þessum kaupum á sérfræðiþjónustu í samræmi við leiðbeiningar sínar til annarra ríkisaðila.

„Ríkisendurskoðun telur það alvarlegt mál að ráðuneytin gangi framhjá rammasamningum og semji beint við aðila innan þeirra án þess að nýta samningana. Með því grafi þau í raun undan tilvist þeirra. Bæta þurfi þekkingu innan ráðuneyta á samningunum og hvernig megi nýta þá til að auka hagkvæmni við kaup á þjónustu.“

„Fjármála- og efnahagsráðuneytið tekur undir ábendingu Ríkisendurskoðunar um að ráðuneytin samræmi og bæti verklag við kaup á sérfræðiþjónustu og samningagerð,“ segir í svari fjármálaráðuneytisins.

Viðskipti þess ráðuneytis og lögfræðifyrirtækisins Juris hafa verið í fréttum.

-sme